Berria.eus

Asteazkena, 2014ko uztailak 23 - 15:36

2012-04-29

Hizpideak

Bostak bat

Pello Urzelai

pellour@berria.info

Bost helburu, bost printzipio. Bost alderdi. Akordio estrategikoaren bidean, oinarrizko konpromisoa sinatu dute ezker abertzaleak, Eusko Alkartasunak, Alternatibak, Aralarrek eta Abertzaleen Batasunak Irunen, Bidasoaren ertzean, Santiagoko zubiaren aldamenean, nazio estrategia baterantz ibiltzeko engaiamendua agerian utzita. Gatazka konponbidean jarri izanak eta borroka armatuaren zikloa itxi izanak erraztu ditu aipatutako bost alderdi edo indar politikoen arteko harremanak. Euskal Herri osoan, etorkizuneko tresna eta egitura juridiko-politikoak ari dira egosten. Biharko burujabetza gaurko ahaleginaren emaitza izango delakoan, estrategia nazionala garatu nahi duten bost alderdiek badute zer landu. Bidea argitu eta indarrak biltzeko garaiak dira. Hitz beltzak paperaren edo pantailaren zuriaren kontra jartzean, agiriak baliagarriak izaten dira ideiak eta norabideak argitzeko. Jardunarekin osatu behar dira, emankor izatekotan. Nazio estrategiak, bederen, badu izana. Izena ere izatea ongi letorkioke.



© Berria.eus - Euskal Editorea S.L.

Martin Ugalde Kultur Parkea, Andoain 20140 43.223785 -2.014929

Telefonoa: 943 304 030 / Faxa: 943 590 172

- www.berria.eus

Lege Informazioa

MIDAS Kontseilua Bai Euskarari

Laguntzaileak:

Eusko Jaurlaritza

Gipuzkoako Foru Aldundia