Berria.eus

Astelehena, 2014ko irailak 1 - 09:31

2012-05-05

Hizpideak

Aulki dantza Europan

Xabin Makazaga

xmakazaga@berria.info

Nicolas Sarkozyren azken egunak izan daitezke Eliseoko jauregian. Bihar presidentea aukeratuko dute Frantzian, eta François Hollande ageri da faborito inkesta guztietan, egungo presidentea hurbildu egin zaion arren bozketa eguna hurbildu ahala. Asko hurbildu ere, azken inkesten arabera.

François Bayrou zentristak Hollande babestu izana erabakigarria izan daiteke, eta Sarkozyk ezin izan du haserrea ezkutatu MoDemeko buruaren erabakiagatik. FNko boto-emaileak erakarri nahian, eskuin muturrera urratsa egin baitu Sarkozyk —berezkoa du joera—, zentroa jokoan jarriz. Ezkerreko botoekin bakarrik, Eliseoa urrun zuen Hollandek; orain, hurbilago duela dirudi.

Frantzian bezala, Grezian eta Erresuma Batuan ere krisi garaian agindu duten bezala agintzearen ordaina ari dira jasotzen politikariak. David Cameron kontserbadoreak laboristen aurrean makurtu behar izan du udal hauteskundeetan, eta Greziako Legebiltzarrerako bozetan nork gutxiago galdu lehian ariko dira PASOK eta ND, biek asko galduko dutela jakin arren.



© Berria.eus - Euskal Editorea S.L.

Martin Ugalde Kultur Parkea, Andoain 20140 43.223785 -2.014929

Telefonoa: 943 304 030 / Faxa: 943 590 172

- www.berria.eus

Lege Informazioa

MIDAS Kontseilua Bai Euskarari

Laguntzaileak:

Eusko Jaurlaritza

Gipuzkoako Foru Aldundia