Berria.eus

Osteguna, 2014ko uztailak 24 - 23:42

2012-05-06

Jira

Borobila

Xabier Gantzarain

Mundua borobila da, eta gaur badakigu zer eguraldi egingo duen bihar Singapurren. Eta munduko eguraldi mapari begira egoten gara, Vancouver, Vladivostok, hementxe bezalaxe biziko zinateke haietan ere, hotzago egitea, baina han ere eguna bete egin beharko zenuke, eguneroko zeregin errepikakorretan lotu, erosketak egin, jatekoa prestatu, ontziak garbitu, etxea txukundu, postontzian begiratu zuretzako eskutitzik ba ote dagoen, fakturak eta iragarkiak zakarretara bota, aspaldian idatzi ez diozun lagunari idatzi behar diozula esan zeure buruari, lan egin, kontuak eraman, atseden hartu asteburuan, telebista ikusi sofan etzanda, eta astebururo bezala harritu eguraldiari zenbat denbora eskaintzen zaion ikusita, eta astebururo bezala harritu zeure burua munduko eguraldi mapari begira harrapatu duzulako, arretaz entzuten bihar zer eguraldi egingo duen Singapurren.

Zeure araberako mapa bat egin beharko bazenu, ordea, nolakoa izango litzateke mundua? Zein herrialderen tamainakoa izango zinateke zu, zenbat leku hartuko luke zure herriak, zenbat Euskal Herriak? Azalduko litzateke Afrika, azalduko litzateke Asia?

Neure buruaren mapa marrazten hasi naiz: hemen nago, Ozeano Jendeak inguratua.



Albisterik...

Irakurrienak

Bozkatuenak

Irakurrienak

 

 

 

 

 

© Berria.eus - Euskal Editorea S.L.

Martin Ugalde Kultur Parkea, Andoain 20140 43.223785 -2.014929

Telefonoa: 943 304 030 / Faxa: 943 590 172

- www.berria.eus

Lege Informazioa

MIDAS Kontseilua Bai Euskarari

Laguntzaileak:

Eusko Jaurlaritza

Gipuzkoako Foru Aldundia